Հավանաբար իշխանությունները խոստացել են Սամվել Կարապետյանին, որ այլևս չեն ներխուժի ՀԷՑ. տնտեսագետ

ՀԱԿ անդամ, տնտեսագետ Զոյա Թադևոսյանն այսօր Yerkir.am-ի հետ զրույցում անդրադարձել է ՀԷՑ-ի վաճառքին, ՀԷՑ-ը ձեռք բերած օֆշորային ընկերությանն ու նոր սեփականատիրոջը:Զոյա Թադևոսյանը նախ նշեց, որ օֆշորում սովորաբար գրանցվում են այն ընկերությունները, որոնք ունեն իրենց եկամուտների աղբյուրից հարկերը թաքցնելու կամ եկամուտները օրինականացնելու խնդիր:

 «Ես զարմանում եմ, որ Տաշիր գրուպ ընկերության համար առաջացել է անհրաժեշտություն իրենց ընկերությւոններից մեկը գրանցել օֆշորում , և մեկ այլ տեղում ներդրումներ անել: Ամեն դեպքում, եթե «Տաշիր Գրուպը»  դարձել է ՀԷՑ-ի կուտակած պարտքերի իրավահաջորդ, ուրեմն հույս կա, որ ՀԷՑ-ը այսուհետ աշխատելու է բավական արդյունավետ` մեծ եկամուտներ ստանալու ակնկալիքով:

Որովհետև Սամվել Կարապետյանն այն անձը չէ, որ վնասով աշխատող ձեռնարկությունը գնի, դեռ հսակայական պարտաքերն էլ վճարի: Ուստի այստեղ ակնհայտորեն թաքնված է այն իրողությունը, որ ՀԷՑ-ը բավական շահավետ ոլորտ է իրենից ներկայացնում»,- ասաց Զոյա Թադևոսյանը:

 Նրա խոսքով` առհասարակ , ամբողջ աշխարհում, էլեկտրաէներգիա արտադրող ոլորտը չի կարող եկամտաբեր չլինել, քանի որ էլեկտրաէներգիան թիվ մեկ պահանջված ապրանքն է: Ըստ Զոյա Թադևոսյանի, ՀԷՑ-ը մինչ հիմա եղել է վատ վերահսկողության տակ, որտեղ չարաշահումներն, յուրացումներն ու ստվերային  շորթողները մեծ էին, վերցնում էին հսկայական գումարներ ու խաղատներում ծախսում:

 «Պարզապես ամեն մեկը չի տնօրինում այնպիսի գումարների, որ կարողանա վճարել ու գնել ՀԷՑ-ը : Սամվել Կարապետյանը հնարավորություն ունեց` գնեց: Բայց հետաքրքիր է, թե նա ինչպես է աշխատելու այս իշխանությունների հետ, հավանաբար կան պայմանավորվածություններ, որ այլևս չեն ներխուժի այդ ոլորտ, և լրացուցիչ խնդիրներ չեն ստեղծի Սամվել Կարապետյանի համար»,- ասաց Զոյա Թադևոսյանը: