ԵԱՀԿ ևս մեկ կազմակերպություն հրաժարվել է դիտորդներ ուղարկել Ադրբեջան

ԵԱՀԿ Խորհրդարանական վեհաժողովը հրաժարվել է դիտորդներ ուղարկել` Ադրբեջանի խորհրդարանական ընտրություններին մասնակցելու. հայտնում է haqqin.az-ը: Այդ մասին, ըստ կազմակերպության կայքի, հայտնել  է կազմակերպության նախագահ Իլկա Կաներվան: Նա նշել է, որ իրենք որոշել են լսել ԵԱՀԿ Ժողովրդավարական հաստատությունների և մարդու իրավունքների գրասենյակի՝ ԺՀՄԻԳ-ի խորհուրդը:

Հիշեցնենք, որ ավելի վաղ ԺՀՄԻԳ-ն նույնպես հրաժարվել էր Ադրբեջանի հետ համագործակցությունից` Ադրբեջանի պահանջների պատճառով: ԺՀՄԻԳ-ը հրավեր ստանալուց հետո հայտնել էր, որ պատրաստվում է 30 երկարաժամկետ և 350 կարճաժամկետ դիտորդ ուղարկել Ադրբեջան։ Սակայն օգոստոսի 31-ին ԵԱՀԿ-ում Ադրբեջանի մշտական ներկայացուցչությունը հայտնել էր, որ իշխանությունները պատրաստ են ընդունել միայն 6 երկարաժամկետ և մինչև 125 կարճաժամկետ դիտորդի։