Երևանցի երիտասարդը մեղադրվում է մինիոնի տեսքով դրամատուփը հափշտակելու մեջ

Երևանի բնակիչ 18-ամյա երիտասարդին մեղադրանք է առաջադրվել Կիևյան փողոցի շենքերից մեկի բնակարանից դրամատուփ գողանալու մեջ:

 Համաձայն մեղադրական եզրակացության՝ Գոռ Վ-ն .2015թ-ի հուլիսին հյուրընկալվելով Երևան քաղաքի Կիևյան փողոցի բնակարաններից մեկի   բնակիչ Անի Պ-ին,  գաղտնի հափշտակել է նշված բնակարանի հյուրասենյակի մուտքի դռան աջ հատվածում դրված «մինիոն»` մուլտհերոսի տեսքով դրամատուփը, որի մեջ եղել է 200.000 ՀՀ դրամ:

Երեք օր անց էլ  Գոռ Վ-ն  կրկին հյուրընկալվելով նույն բնակարան,  գաղտնի հափշտակել է նշված բնակարանի հյուրասենյակի պահարանի վրա դրված «եվրո» տեսքով դրամարկղը, որի մեջ եղել է 200.000 ՀՀ դրամ:

Երիտասարդին մեղադրանք է առաջադրվել ՀՀ ՔՕ 117-րդ հոդվածի առաջին մասի հատկանիշներով և, որպես խափանման միջոց ընտրվել՝ չհեռանալու մասին ստորագրությունը: