Հայաստան-Դանիա. ՖԱՖ-ը հրավիրում է միասնական երթի

Վաղը`սեպտեմբերի 7-ին,  ֆուտբոլի Հայաստանի ազգային հավաքականը Եվրո-2016-ի ընտարական փուլի հերթական հանդիպումը կանցկացնի, Հանրապետական մարզադաշտում մրցելով Դանիայի ընտրանու հետ: Այս կապակցությամբ Հայաստանի ազգային հավաքականի երկրպագուների «Առաջին հայկական ճակատ» ֆան շարժումը կազմակերպել է երկրպագուների միասնական երթ դեպի մարզադաշտ: ՖԱՖ-ը հայտարարություն է տարածել, որտեղ ասվում է.

«Հայաստանի հավաքականի բոլոր երկրպագուներին /կարևոր չէ` որ տրիբունայի տոմս եք գնել/ Սեպտեմբերի 7-ին, ժամը 16:30-ին հրավիրում ենք Ֆրանսիայի հրապարակին կից Ֆիլհարմոնիայի առջև գտնվող Արամ Խաչատրյանի հուշարձանի մոտ՝ մասնակցելու Հայաստան-Դանիա նախախաղային երկրպագուների միասնական մեծ երթին դեպի մարզադաշտ:
Բոլորս լինում ենք Ազգային հավաքականի մարզաշապիկներով, կամ կարմիր շապիկներով, եռագույններով, երկրպագման շարֆերով: Բոլոր ցանկացողները, մեր օգնությամբ կներկվեն եռագույնի գույներով:
Երթը կմեկնարկի 17:45, խաղի սկիզբը` 20:00-ին է»: