Ունեցել ենք 4,4 տոկոս տնտեսական աճ. Հովիկ Աբրահամյան

Այսօր կառավարության նիստում, նախքան օրակարգին անցնելը, ՀՀ վարչապետ Հովիկ Աբրահամյանն անդրադարձավ տնտեսական ցուցանիշների վերաբերյալ ԱՎԾ վերջին տվյալներին: Վարչապետը նշեց, որ այս տարվա առաջին եռամսյակում ունեցել ենք ՀՆԱ-ի 2 տոկոս աճ, իսկ երկրորդ եռամսյակում՝ 5,1 տոկոս:

«Արդյունքում` ունենք 4,4 տոկոս տնտեսական աճ: Արտերկրից եկող տրանսֆերտների էական նվազման պարագայում հատկապես կարևորվում են գյուղատնտեսական ոլորտում արձանագրված աճը և արտահանման բազմազանությունը: Մենք այսօր արտահանում ենք ավելի շատ երկրներ, քան նախկինում: Հանձնարարում եմ տնտեսության ոլորտի բոլոր գերատեսչություններին` հանրությանը մանրամասն ներկայացնել կիսամյակի տնտեսական արդյունքները»,- ասաց վարչապետը: