«Էյր Արմենիայի» ծեծի ենթարկված տնօրենը ստացել է քթի կոտրվածք, ազդրի, թիակի սալջարդ

Ծեծի ենթարկված «Էյր Արմենիա» (Air Armenia) ավիաընկերության 51 տոկոսի սեփականատեր և տնօրեն Արսեն Ավետիսյանի վիճակը կայուն է: Այս մասին yerkir.am-ին հայտնեց ԵՊԲՀ մամուլի խոսնակ Ալեքսանդրա Հարությանյանը:

Վերջինիս խոսքով՝ Ավետիսյանն իրենց մոտ է տեղափոխվել օգոստոսի 16-ին, ներկայումս գտնվում է դիմածնոտային բաժանմունքում: Ավետիսյանի մոտ առկա է քթի ոսկորի կոտրվածք՝ թեթեւ տեղաշարժով, ազդրի, թիակի թեթեւ սալջարդեր: Հարությունյանը նշեց, որ եթե անհրաժեշտություն առաջանա Ավետիսյանին վիրահատության կենթարկեն:

Հիշեցնենք,որ Ավետիսյանի կնոջ խոսքով՝ ամուսնուն առևանգել և ծեծի են ենթարկել Հայաստանի ֆուտբոլի ֆեդերացիայի նախագահ Ռուբեն Հայրապետյանի թիկնազորի անդամները: