Ավետիսյանների հարազատները հավանաբար կմասնակցեն Պերմյակովի դատաքննությանը

Ավետիսյանների հարազատները, ամենայն հավանականությամբ, կմասնակցեն ռուսաստանյան 102-րդ ռազմաբազայի զինծառայող Վալերի Պերմյակովի դատաքննությանը:

 ԳԱԼԱ-ի հետ զրույցում սպանված Հասմիկ Ավետիսյանի քույրը` Ռիտա Պետրոսյանը նշեց, որ ունի ցանկություն մասնակցել օգոստոսի 12-ին սպասվող դատաքննությանը:

Հիշեցնենք, որ հաջորդ շաբաթ ռազմաբազայում տեղի կունենա դատաքննություն, որն առնչվում է դասալքության եւ զենքի հափշտակության հատկանիշներով հարուցված քրեական գործին:

Ռիտա Պետրոսյանը տեղյակ է, որ դատաքննությունն այս փուլում չի առնչվում իր հարազատների սպանությանը, մասնակցելու է միայն այն բանի համար, որ հնարավորություն ստանա տեսնել մեղադրյալին:

«Իմ փաստաբանն էլ ինձ ասել է, որ այլ գործ է քննվելու բայց ես ցանկանում եմ մասնակցել: Աղջիկները չեն կարողանա, դժվար կլինի իրենց համար:  Հոգեպես պատրաստ չեն: Բայց մեր տղաները, մենք անպայման ցանկանում ենք մասնակցել: Ուղղակի ինձ հետաքրքիր է իրեն տեսնել, թեկուզ իր աչքերի մեջ նայելը` արդյո՞ք ինքը կարող էր էդքան բանը մենակ աներ, թե այս ամենը դասավորած էր: Բացարձակ խելքիս մոտ բան չէ: Ոչ մի բան այդպես էլ չհասկացանք ու չպարզվեց»,-նշեց Ռիտա Պետրոսյանը:

Մանրամասները` սկզբնաղբյուրում