Ավետիսյանների հարազատները կհանդիպեն քննիչների և փաստաբանների հետ

Հունվարի 12-ին Գյումրիում տեղի ունեցած սպանդի զոհ դարձած Ավետիսյանների ընտանիքի հարազատներն այսօր Երևանում կհանդիպեն գործով քննիչների հետ: Այս մասին yerkir.am-ը տեղեկացավ ՀՀ քննչական կոմիտեից:

Քննիչները նրանց հետ, ամենայն հավանականությամբ, կքննարկեն տուժողների իրավահաջորդ ճանաչվելու հարցը:

Yerkir.am-ի տեղեկություներով` Ավետիսյանների հարազատներն այսօր կհանդիպեն նաև Երևանում գործունեություն իրականացնող մի քանի փաստաբանների հետ` քննարկելու նրանց` գործում ներկայացուցիչներ ներգրավվելու հարցը:

Հիշեցնենք, որ Շիրակի մարզի 30 փաստաբաններ, ինչպես նաև հանրապետության մի շարք փաստաբաններ  պատրաստակամություն էին հայտնել անվճար իրավաբանական օգնություն տրամադրել Ավետիսյանների հարազատներին:

Այս պահի դրությամբ  գործում դեռևս տուժողների իրավահաջորդներ չեն ներգրավվել: