ՄԱԿ-ի Անվտանգության խորհրդում Իրանի հարցով բանաձեւը միաձայն է ընդունվել

ՄԱԿ-ի Անվտանգության խորհուրդը միաձայն ընդունել է Իրանի մասին բանաձեւը` միջուկային ծրագրի շուրջ ձեռք բերված համաձայնության վերաբերյալ:

Բանաձեւը կոչ է անում ամբողջությամբ կատարել գործողությունների պլանը, որ ընդունել են Իրանն ու «վեցյակի» երկրները Վիենայում:  Բանաձեւի ընդունումից հետո այս պլանը ստանում է միջազգային իրավունքի նորմի կարգավիճակ:  Համաձայն գործողությունների պլանի` Իրանի միջուկային ծրագիրը որոշ չափով կսահմանափակվի, դրա փոխարեն Թեհրանը կստանա ֆինանսական օգնություն, բացի այդ` կհանվեն պատժամիջոցները:

Բանաձեւում նաեւ ասվում է, որ եթե «վեցյակի» երկրներից յուրաքանչյուրը կասկածի Իրանին պլանը խախտելու մեջ, ապա  օրակարգում կարող է հայտնվել կրկնակի պատժամիջոցների հարցը: