ՄԱԿ-ում միաձայն ընդունել են Օլիմպիական զինադադարի բանաձեւը

Երեկ ՄԱԿ-ի Գլխավոր ասամբլեան Նյու Յորքում միաձայն ընդունել է Օլիմպիական զինադադարի մասին «Խաղաղ և ավելի երջանիկ աշխարհի կառուցումը սպորտի և օլիմպիական իդեալների միջոցով» բանաձևը: Պատմության մեջ առաջին անգամ բանաձևի համահեղինակներ են դարձել ՄԱԿ-ի անդամ բոլոր 193 երկրները, ներառյալ` Հայաստանը, Ադրբեջանը եւ Վրաստանը:

Բանաձեւը ներկայացրել էր Միացյալ Թագավորությունը, որը 2012-ին Լոնդոնում հյուրընկալելու է Օլիմպիական խաղերը: Հին Հունաստանում Օլիմպիական խաղերով սկսվում էր խաղաղության ժամանակաշրջան, որը մրցակիցներին ու այլոց ապահով ճանապարհորդելու հնարավորություն էր տալիս:

1992 թվականին Միջազգային օլիմպիական կոմիտեն վերածնեց այդ գաղափարը՝ սպորտն օգտագործել օլիմպիական իդեալները խրախուսելու և խաղաղաշինությանն ու հակամարտությունների լուծմանը աջակցելու համար: Նման բանաձևեր ընդունվել են յուրաքանչյուրա մառային և ձմեռային խաղերից առաջ: