Կարող ենք պատմությունը նորից սկսել գրել՝ մշակույթի, եթե ոչ՝ զենքի միջոցով. Ռոպեր Կետիկյան

Ռոպեր Կետիկյանի «Խենթ պատմություն ֆիլմի ցուցադրմամբ էլ տրվեց «Ոսկե ծիրանի մեկնարկը: Կետիկյանը նշեց, որ ֆիլմի  միջոցով ցանկանում էր հայերի պատմության հիշողությունը ներկայացնել:

«Միշտ ասում են, որ պատմությունը գրում են հաղթողները: Իսկ պարտվողներին մնում է հիշողությունը: Ես ուզում էի ցույց տալ, որ պատմությունը կարելի է այնպես գրել, որ այն չպատկանի միայն հաղթողներին: Անցել է 100 տարի, եւ հիմա մենք կարող ենք գտնել միջոցներ՝ պատմությունը նորից սկսել գրելու՝ մշակույթի, եթե ոչ՝ զենքի միջոցով»,- ասաց Կետիկյանը՝ հավելելով, որ հույս ունի՝ ֆիլմը կօգնի, որպեսզի հայերի պատմությունը մտնի համաշխարհային պատմության մեջ եւ ընդունվի պատմական ճշմարտությունը՝ ցեղասպանությունը: