Լարված իրավիճակ Սյունիքում. Լիսկան ցրել է հոսանքի թանկացման դեմ բողոքի ցույցը

Այսօր էլեկտրաէներգիայի թանկացման դեմ բողոքի ակցիա է տեղի ունեցել  նաեւ Սյունիքի մարզկենտրոն  Կապանում:

Ինչպես հայտնի դարձավ Yerkir.am-ին, ակցիային, որ տեղի է ունեցել  քաղաքապետարանի գիտայգում, մոտ  50 հոգի է մասնակցել: Սակայն եկել են Սյունիքի մարզպետ Սուրիկ Խաչատրյանը եւ Կապանի քաղաքապետը, որոնց ներկայությունից  ահաբեկվել են ցուցարարները և ցույցը ցրվել է:

Կապանցի  Քնար Սրվանձտյանը Yerkir.am-ին հայտնեց, որ այս պահին պրոյեկտորի միջոցով փորձում են ցույց տալ, թե  ինչ է կատարվում Երեւանում, սակայն քաղաքապետարանն ամեն կերպ խոչընդոտում է: Նրանք նախ արգելել են տեղադրել էկրանը, ապա հրաժարվել են հոսանք տրամադրել:

Այս պահին ակտիվիստները փորձում են այլ տեղից միացնել պրոյեկտորը: