Հոսանքի թանկացման դեմ նստացույց անող ակտիվիստները սպառնում են շարժվել դեպի Բաղրամյան 26, եթե...

Էլեկտրաէներգիայի թանկացման դեմ պայքարող «Ո\'չ թալանին» նախաձեռնությունն այսօր հայտարարություն է տարածել, որում մասնավորապես ասվում է. «Հունիսի 19-ից «Ոչ թալանին» քաղաքացիական նախաձեռնությունը, հաշվի առնելուվ ժողովրդի պահանջը, նստացույց սկսեց Ազատության հրապարակում` պահանջելով անհապաղ կասեցնել էլեկտրաէներգիայի սակագնի բարձրացման մասին ապօրինի որոշումը։

Մենք իշխանություններին ժամանակ տվեցինք մինչեւ հունիսի 22-ը, ժամը 19։00-ն։ Եթե մինչ այդ նրանց կողմից պաշտոնապես չհայտարարվեց կասեցման մասին լուրը, բոլորս այդ օրը ժամը 19։00-ին հավաքվում ենք Ազատության հրապարակում եւ շարժվում դեպի Բաղրամյան 26»:

Հիշեցնենք, որ հունիսի 17-ին, ՀԾԿՀ-ի  նիստում հաստատվել է էլեկտրաէներգիայի նոր սակագինը՝ համաձայն որի՝ թլեկտրաթներգիան թանկացել է 6.93 դրամով՝ մեկ  կՎտ/ժ-ի դիմաց՝ 41.85 դրամից դառնալով 48.78 դրամ։