Ռուսական ԶԼՄ-ն ամերիկյան հետք է տեսնում

Արդեն հայտնել ենք, որ ռուսական ԶԼՄ-ներն ակտիվորեն անդրադարձել են երեկ Երևանում էլեկտրաէներգիայի թանկացման դեմ ուղղված բողոքի ակցիային: 

Ամենից ուշագրավը РЕН ТВ-ի անդրադարձն է: Հեռուստաալիքը նշում է, որ Երևանում ակցիաների հետևում կարող է կանգնած լինել ԱՄՆ-ը:

«Դեռևս մարտին РЕН ТВ-ի թղթակիցը եղել է Չեխիայում գտնվում փոքրիկ բազայում, որտեղ պրոֆեսիոնալ ցուցարարների են պատրաստում: Այնտեղ Ռոնալդ Ռեյգանի վարչակազմի նախկին չինովնիկ Փոլ Քրեյգը պատմել է, որ ԱՄՆ-ը պատրաստ է կրկնել Մայդանը Երևանում: Եվ հենց դրա համար է, նրա խոսքերով, ամիսներ առաջ ԱՄՆ պետքարտուղարության ներկայացուցիչ Վիկտորյա Նուլանդը այցելել Երևան»,- նշում է РЕН ТВ-ն: