Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
ԱԺ ՀՀԿ խմբակցության պատգամավոր Արտաշես Գեղամյանը չի մասնակցել երեկ էլեկտրաէներգիայի սակագնի թանկացման վերաբերյալ խորհրդարանական լսումներին, քանի որ մասնակցում էր սահմանադրական փոփոխությունների թեմայով միջոցառմանը և ԱԺ արտաքին հարցերի հանձնաժողովի նիստին: Նա տեղյակ էր լսումների ժամանակ հնչած հարցերից ու պատասխաններից, և կարծիք հայտնեց, որ լրջագույն վերլուծությունների կարիք կա էներգետիկ ոլորտում և քայլ առ քայլ պետք է փորձել տեսնել՝ հնարավո՞ր է արդյոք ռեզերվներ գործի դնելով վիճակը շտկել:
«Պետք է այնպիսի վերլուծություններ անել, որ սովորական քաղաքացին ծանոթանալով այդ հիմնավորումների հետ, ընդունի, որ լուծումը գոհացնում է իրեն»,- Yerkir.am-ի հետ զրույցում ասաց Արտաշես Գեղամյանը: Այն հարցին, թե ինչպես՞ է վերաբերում այն փաստին, որ ՀԷՑ-ի տնօրենը չեկավ ու չմասնակցեց խորհրդարանական լսումներին, Արտաշես Գեղամյանը խուսափեց կարծիք հայտնելուց, ասելով, որ հարցը ուղղված է ՀԷՑ-ի տնօրենին: Նա հավելեց, որ չի տրվելու էմոցիոնալ մեկնաբանություններին, և ավելի շատ կուզենա տնտեսագիտական հաշվարկներ կատարել: