Եվրոպական խաղերին մասնակցությունը վիրավորանք կլինի քաղբանտարկյալների համար. FIDH

Բաքվում Եվրոպական խաղերի բացումից մեկ շաբաթ առաջ FIDH կազմակերպությունը ԵՄ երկրների առաջնորդներին կոչ է արել իրենց մասնակցությունը խաղերի բացմանը պայմանավորել քաղբանտարկյալների ու ակտիվիստների ազատ արձակմամբ, որոնք բանտարկված են կեղծ մեղադրանքներով. հայտնում է contact.az-ը: Այդ մասին ասված է ավելի քան 100 երկրում գործող 164 կազմակերպությունների միավորող Մարդու իրավունքների միջազգային ֆեդերացիայի`FIDH-ի տարածած հաղորդագրությունում:

«Ստեղծված իրավիճակում Խաղերի բացմանը մասնակցությունը վիրավորանք կլինի Ադրբեջանում ազատությունից զրկված ակտիվիստների և համընդհանուր արժեքների համար, որոնց համար նրանք պայքարում են իրենց ազատության գնով»,- հայտարարել է կազմակերպության նախագահը: