Ստիպված ենք մասնակցել Բաքվի Եվրոպական խաղերին. Արթուր Գևորգյան

Արդեն հայտնել ենք, որ ՀԱՕԿ-ը վերջնական որոշում է կայացրել` մասնակցել Բաքվում կայանալիք` 2015 թվականի Եվրոպական առաջին խաղերին: Այս առիթով  Yerkir.am-ը զրուցեց Հայաստանի բռնցքամարտի ֆեդերացիայի նախագահ Արթուր Գևորգյանի հետ:

«Եթե չմասնակցենք Բաքվում կայանալիք Եվրոպական խաղերին, ապա իրավունք չենք ստանա մասնակցելու աշխարհի առաջնությանը: Հայտնվել ենք փակուղում և ստիպված ենք մասնակցել Բաքվի խաղերին:  Կմասնակցեն այն մարզիկները, ովքեր հնարավորություն կունենան մեդալ նվաճելու:     

Ինչպես ՄՕԿ-ի նախագահը, այդպես էլ ադրբեջանական կողմը պնդում են, որ  անվտանգությունը կազմակերպվելու է շատ բարձր մակարդակով, սակայն մենք ունենք միջազգային մրցումներին մասնակցելու փորձ: Բարոյահոգեբանական ծանր վիճակում մարզիկների համար դժվար կլինի հանդես գալ իրենց ամողջ ուժով:  

Մարտի 15-ին տեղի կունենա Բռնցքամարտի ֆեդերացիայի հերթական համագումարը, և վերջնականապես պարզ կդառնա, թե  բռնցքամարտ մարզաձևում ովքեր հանդես կգան»,- ասաց Արթուր Գևորգյանը: