Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Եգիպտոսում լույս տեսնող El Elam el Yum թերթում երկրի գահընկեց արված նախագահ Մուհամեդ Մուրսիի մասին ուշագրավ տեղեկություններ են տեղ գտել. տեղեկացնում է թուրքական T24-ը:
Կայքը տեղեկացրել է, որ հնարավոր է` Մուրսին մեկ այլ երկրի քաղաքացիություն ստանա՝ մահապատժից խույս տալու համար: Եգիպտոսի օրենքների համաձայն՝ այլ երկրի քաղաքացի լինելու դեպքում դատարանը կարող է չեղարկել մահապատժի որոշումը:
Կայքը հայտնել է նաև, որ Եգիպտոսում «Մուսուլման եղբայրներ» շարժումն ուսումնասիրում է՝ արդյո՞ք Եգիպտոսի քաղաքացիությունից հրաժարվելու դեպքում Մուրսին մահապատժից կազատվի, թե՞ ոչ: Տեղեկությունների համաձայն՝ մասնագետները հայտնել են, որ հնարավոր է` Եգիպտոսի նախագահը Թուրքիայի քաղաքացիություն ստանա՝ մահապատժից խուսափելու համար:
Մուրսին «լրտեսություն իրականացնելու» մեղադրանքով դատարանի որոշմամբ դատապարտվել էր մահապատժի: Որոշման ի կատար ածումը հետագայում հետաձգվեց մինչև հունիսի 16-ը:
Թուրքիայի նախագահ Ռեջեփ Թայիփ Էրդողանն ավելի վաղ հայտնել էր, որ շարունակվելու են նախաձեռնությունները՝ Մուրսիին մահապատժի ենթարկելու որոշումը չեղարկելու համար: