Այսօր Անթալիայում ՆԱՏՕ-ն հավաք կանցկացնի

Անթալիայում մայիսի 13 -14-ը կանցկացվի ՆԱՏՕ-ի հավաք:

Ըստ Sabah-ի՝ Թուրքիայի ԱԳ նախարարության տարածած հայտարարության համաձայն՝ հավաքի առաջին նիստը կսկսվի Թուրքիայի վարչապետ Ահմեդ Դավութօղլուի բացման խոսքով:

Բացի դաշնային երկրների 28 ԱԳ նախարարներից, հավաքին կմասնակցեն նաև Հայաստանի, Ադրբեջանի, Ֆինլանդիայի, Վրաստանի, Մակեդոնիայի և այլ երկրների բարձրաստիճան պաշտոնյաներ: Կայքի հաղորդմամբ՝ հավաքին հնարավոր է մասնակցեն նաև ԵՄ ներկայացուցիչներ ու ՄԱԿ-ի գլխավոր քարտուղարի՝ Աֆղանստանում հատուկ ներկայացուցչի օգնականը:

Հայտնում են նաև, որ ՆԱՏՕ-Ուկրաինա հանձնաժողովը կանցկացնի նիստ, որի ընթացքում կքննարկվեն զարգացումները Ուկրաինայում: Նիստից հետո կհրապարակվի զեկույց: