Մոսկվայի ''Սպարտակ''-ը մարզական հավաք կանցկացնի Հայաստանում

Մոսկվայի «Սպարտակ»-ը 2014-ի մարտ ամսին մարզական հավաք կանցկացնի Հայաստանում. տեղեկացնում է Sport-express-ը:

Մոսկովյան ակումբին մոտ կանգնած աղբյուրներին հայտնի է դարձել, որ սպարտակցիները ուսումնամարզական հավաք կանցկացնեն Ռուսաստանի Պրեմիեր լիգայի դադարի ժամանակ:

Վալերի Կարպինի թիմը կմարզվի Ավանի ֆուտբոլի ակադեմիայում, որը համարվում է Արևմտյան  Եվրոպայում լավագույններից մեկը: Հավաքից հետո մոսկովյան թիմը կմեկնի Չեչնիայի մայրաքաղաք, որտեղ ՌՊԼ 20-րդ տուրի շրջանակներում կհանդիպի «Թերեք»-ի հետ:

Ամառային հավաքներից մեկը «Սպարտակ»-ը նույնպես կանցկացնի Երևանում: Այդ ժամանակ կկազմակերպվի հատուկ մրցաշար, որին կմասնակցի նաև «Արարատ»-ը:

Այդ լուրերը հաստատել է Հայաստանի ֆուտբոլի ֆեդերացիայի նախագահ Ռուբեն Հայրապետյանը «Արմենիա» հեռուստաընկերության եթերում: Նրա խոսքով՝ այդ առաջարկն արել է  «Սպարտակ»-ի  տնօրենների խորհրդի անդամ Ջեւան Չելոյանցը: