Հիշում ենք եւ պահանջում, պահանջում ենք… ճանաչում. Սերժ Սարգսյան

«Դուք ասել եք, որ  մտադիր չեք հակաթուրքական հիստերիա բարձրացնել եւ պետք է անեք առավելագույնը՝  որպեսզի Թուրքիայի իշխանությունները ճանաչեն:  Ի՞նչ եք կարծում, ինչու՞ է Անկարան այդպես հրաժարվում ճանաչել փաստը: Գուցե նրանի՞ց, որ եթե նրանք  ճանաչեն,  դուք կարող եք նրանցից նյութական հատուցումներ պահանջել ճանաչման դիմաց, եւ դրա համար ոչինչ  չեն աում: Գուցե  Եթե դուք երաշխավորեիք, որ ոչինչ պետք չէ, ճանաչեք ու ապրենք որպես նորմալ հարեւաններ, գուցե դիմեի՞ն այդ քայլին»,- «Պոզներ » հաղորդման ընթացքում ՀՀ նախագահից հարցնում է Վլադիմիր Պոզները:  

«Պահանջների մասին ավելի շատ խոսում են թուրքական հասարակությունում: Իրականում թուրք ղեկավարությունը նման մտավախություն ունի: Բայց դա հարցի  երկրորդ կողմն է: Առաջինը ճանաչումն է: Երբ ժխտում են, էմոցիաներն են շատանում, վիրավորանքն է ավելանում, իսկ երբ ընդունում են,  ճանաչում են գիտակցաբար, ոչ թե ճնշման տակ, դա ավելի կարեւոր ու արժեքավոր է: Իսկ հատուցման մասին, ուրիշ պահանջների մասին… մենք միջազգային հանրության մասն ենք, եւ պատասխանատու մասնակից ենք տարբեր կազմակերպությունների՝ ՄԱԿ, ԵԽ: Եւ պատահական չէ, որ ՀՀ  ոչ մի պետական պաշտոնյա այս 25 տարում չի խոսել պահանջների մասին: Դա ինչ-որ բանի մասին խոսում է»,- նշեց Սերժ Սարգսյանը:

«100-ամյա տարելիցը նշվում է «Հիշում  ենք եւ պահանջում» կարգախոսով: Այդ դեպքում ի՞նչն եք պահանջում»:

«Այո, հիշում ենք եւ պահանջում: Պահանջում ենք  ճանաչում, իսկ հետո ինչ կլինի, արդեն բանակցությունների հարց է: Երբ մենք  հարաբերություններ էինք կարգավորում  եւ կազմում էինք  հայ- թուրքական արձանագրությունները, ես նախագահ Գյուլին ասում էի՝ առանց նախապայմանների սկսենք հարաբերությունները, բացեք սահմանը, դիվանագիտական հարաբերություններ հաստատենք, եւ նման պայմաններում կարելի  է ամեն ինչից խոսել»,- ասաց Սերժ Սարգսյանը: