Շուտով կգամ, կաշխատեմ, ամեն ինչ նորմալ կլինի. ադրբեջանական կողմն անցած զինծառայողը նամակ է գրել ծնողներին

Կարմիր խաչի միջազգային կոմիտեի ներկայացուցիչները երեկ հանդիպել են մարտի 22-ին հակառակորդի կողմն անցած պայմանագրային զինծառայող Անդրանիկ Գրիգորյանի հետ. հայտնում է armtimes .com-ը:

«Նա Կարմիր խաչի ներկայացուցիչների միջոցով նամակ է ուղարկել ծնողներին՝ խնդրելով չբարկանալ իր վրա»,- այս մասին մեզ հետ զրույցում ասաց Բերդաշենի գյուղապետ Գարիկ Սարգսյանը:

«Այո, ես տեղյակ եմ նամակի բովանդակությանը: Նամակում գրել էր՝ պապ ջան, մամ ջան ոնց եք, ես ինքս էլ չեմ իմացել ինչու եմ անցել սահմանը, դիտավորյալ չեմ արել, տենց ա ստացվել: Նաեւ գրել է, որ շուտով կգա- աշխատանքի կտեղավորվի, կաշխատի, ամեն ինչ նորմալ կլինի: Նա ծնողներից հարցրել է նաեւ, թե արդյոք վառելիք ունե՞ն, թե ոչ»,-մեր զրույցում մանրամասներ ներկայացրեց գյուղապետը»,-նշում է կայքը:

Մանրամասն՝ սկզբնաղբյուրում: