«Որոտանի» վաճառքի գործընթացը ստորագրման փուլում է

«Որոտանի հիդրոէլեկտրակայանների համալիր»  ընկերության վաճառքի հարցը ավարտական փուլում է: Այս մասին Yerkir.am-ի հետ զրույցում ասաց ՀՀ էներգետիկայի և բնական պաշարների նախարար Երվանդ Զախարյանը:

Հիշեցնենք, որ Որոտանը գնել է ամերիկյան «Կոնտուր Գլոբալ Հիդրոկասկադ» ընկերությունը և պետք է վճարի 180 մլն դոլար:

Երվանդ Զախարյանը նշեց, որ հայկական և ամերիկյան կողմերի մոտ կա ընդհանուր համաձայնություն, գործարքը ստորագրման փուլում է, բոլոր տեխնիկական հարցերը քննարկվել են, և հայկական կողմը սպասում է ամերիկյան ընկերության արձագանքին:

«Հենց ընկերությունն արձագանքի, արդեն կստորագրվի գործարքը: Ինձ թվում է` մեկ ամսվա մեջ արդեն վերջնական պատասխանը կլինի»,- ասաց նախարարը: