Առերեսվում ենք 100 տարվա ցավի հետ. գիտաժողով` Այնթապում

Այսօր` մարտ 21-ին, Այնթապում տեղի կունենա «Առերեսվում ենք 100 տարվա ցավի հետ» խորագրով գիտաժողով. տեղեկացնում է Asbarez-ը` վկայակոչելով Demokrathaber-ը:

Ըստ կայքի` Կանաչների կուսակցության կողմից կազմակերպված միջոցառումը ներկայացվել է որպես հանրությանը բաց քննարկում` Հայոց ցեղասպանության թեմայով: Գլխավոր հարցադրումն է` «Ին՞չ պատահեց Այնթապի մշակութային բազմազանությանը»:

Գիտաժողովի ընթացքում ելույթով հանդես կգան Կանաչների կուսակցության խոսնակ Սևիլ Թուրքանը, Ամերիկայում հաստատված եւ ծագումով Լիբանանից, մտավորական Խաչիկ Մուրադյանը, խմբագիր եւ թարգմանիչ Աթիլլա Թոյքանն ու թարգմանիչ Մուրադ Ուչաները:

Կանաչների կուսակցության` Այնթապի կառույցի պատասխանատու Ջելալ Դենիզն ասել է, որ Թուրքիան պատմական բազմաթիվ իրադարձությունների հետ առերեսվելու կարիքն ունի, իսկ դրանցից գլխավորը Հայոց ցեղասպանությունն է: