Նեմցովի սպանության պատճառով բախվել են Ռուսաստանի ամենաազդեցիկ կլանները

Ընդդիմադիր քաղաքական գործիչ Բորիս Նեմցովի սպանությունը հանգեցրել է Ռուսաստանի երկու «ամենաազդեցիկ կլանների» բաց առճակատման: Այդ մասին ասվում է  Foreign Policy-ի հրապարակման մեջ. գրում է Газета.Ru-ն:

Ըստ պարբերականի՝ մի կողմում իբր գտնվում է Չեչնիայի ղեկավար Ռամզան Կադիրովը, իսկ մյուս՝ Մոսկվայում իրավապահ մարմինների բարձրաստիճան աշխատակիցների որոշ «շրջանակ», որը վաղուց «վրդովվում է» Կադիրովի գործողություններից այն ոլորտներում, որոնք նրանք իրենցն են համարում:

Թերթը գրում է, որ ՌԴ նախագահ Վլադիմիր Պուտինը «լուրջ երկընտրանքի» առաջ է կանգնել, քանի որ նրա համար կարևոր են և' հատուկ ծառայությունների, և' Կադիրովի հետ հարաբերությունները: