Թուրքիայում պատգամավորը հայերենով հարցադրում է ներկայացրել Դավութօղլուին

Թուրքիայում քրդամետ Ժողովուրդների դեմոկրատական կուսակցության` Մարդինից պատգամավոր Գյուլսեր Յըլդըրըմը Թուրքիայի վարչապետ Ահմեդ Դավութօղլուին երկրում վտանգված 8 լեզուներով, այդ թվում՝ հայերենով և հայերենի բարբառ հանդիսացող համշեներենով հարցադրում է ներկայացրել. տեղեկացնում է Firatnews-ը:

Պատգամավորը, հիշեցնելով, որ Թուրքիայում քրդերենը, հայերենը, հունարենը, արաբերենը և այլ լեզուներ վտանգված են, հարց է ուղղել, թե ի՞նչ քաղաքականություն է իրականացնում կառավարությունը հարցի լուծման ուղղությամբ:

«ՅՈՒՆԵՍԿՕ-ի զեկույցի համաձայն՝ վերջին շրջանում Թուրքիայում 3 լեզու է ոչնչացել, իսկ 18-ը  վտանգի տակ են»,- ընդգծել է պատգամավորը: