Ծառուկյանն առանց հուշաթղթի է ելույթ ունեցել. ԲՀԿ-ական պատգամավոր

Այսօր` լրագրողների հետ հանդիպման ժամանակմ խոսելով ԲՀԿ քաղխորհրդի նիստի ժամանակ ԲՀԿ ղեկավար Գագիկ Ծառուկյանի ելույթի մասին, ԲՀԿ-ական պատգամավոր Միքայել Մելքումյանը հայտարարեց, որ Գագիկ Ծառուկյանի այդ օրվա ելույթը ամենահաջողված ելույթներից մեկն էր:

Ըստ պատգամավորի` Ծառուկյանը ելույթ է ունեցել «առանց հուշաթղթի, հստակ և ազդեցիկ»: Թե ինչո՞ւ չի հրապարակվել տեսաձայնագրությունը, Միքայել Մելքումյանը հստակ պատճառներ չնշեց:

Դիտարկմանը, որ, ըստ Արմեն Աշոտյանի, Ծառուկյանը չգիտի Պյութագորասի թեորեմը եւ չի կարդացել «Վարդանանքը», Միքայել Մելքումյանը հակադարձեց, թե անձնական բնույթի վիրավորանքները չեն մեկնաբանում:

Խոսելով Սերժ Սարգսյանի հայտնի ելույթի մասին` պատգամավորն ասաց, որ Սերժ Սարգսյանի հայտարարությունը միայն արագացրեց իրենց նախատեսած ծրագրերի իրականացումը, որի վերջակետը, ըստ պատգամավորի, կլինեն արտահերթ ընտրությունները: