«Ժամանակը հնարավոր չէ ձգել». «Շրջանառության հարկի մասին» օրենքի կիրառումը հետաձգվեց

Այսօր ԱԺ նիստում քվեարկության դրվեց «Շրջանառության հարկի մասին» օրենքում փոփոխություններ կատարելու մասին օրինագիծը հետաձգելու մասին որոշումը:

Նախքան քվեարկությունը ԲՀԿ խմբակցության քարտուղար Նաիրա Զոհրաբյանը նշեց, որ ԲՀԿ-ն ձեռնպահ է քվեարկելու, որովհետև որոշումը ժամանակ ձգելու նպատակ է հետապնդում:

ՕԵԿ-ը եւ ՀԱԿ խմբակցության ղեկավար Լևոն Զուրաբյանը նույնպես նշեցին, որ ձեռնպահ են քվեարկելու:

Իսկ ՀՅԴ խմբակցության ղեկավար Արմեն Ռուստամյանը հայտարարեց, որ կողմ են քվեարկելու, որովհետև եթե այս որոշումը չանցնի, կարող են բերել ավելի վատ որոշում:

ՀՀԿ խմբակցությունը հայտարարեց, որ կողմ է քվեարկելու, իսկ ԱԺ նախագահ Գալուստ Սահակյանը նշեց, որ այս քվեարկությունն էլ ցույց է տալիս, թե որ քաղաքական ուժն է պատասխանատու գործում: «Ողջունում եմ այլակարծությունը, իսկ ժամանակը հնարավոր չէ ձգել»,- ասաց նա:

Որոշման նախագիծն ընդունվեց 75 կողմ, 1 դեմ և 40 ձեռնպահ ձայներով: