Փոփոխություններ եւ լրացումներ՝ «Շրջանառության հարկի մասին» օրենքում

Ինչպես և սպասվում էր, կառավարության վաղվա նիստի օրակարգում ընդգրկվել է «Շրջանառության հարկի մասին» օրենքում փոփոխություն կատարելու հարցը: Գործադիրի հավանությունը ստանալուց հետո օրենքը գնալու է Ազգային ժողով:

Օրենքով նախատեսվում է շրջանառության հարկի մաս կազմող` պարտադիր գույքագրման պահանջը հետաձգել մինչև 2015-ի փետրվարը: Կառավարությունը օրենքի փոփոխությունը կապում է հաշիվ-ապրանքագրի պարտադիր ներկայացման հետ, որը իրական խնդիրներ է առաջացնում առևտրականների համար: Ըստ օրենքի` տնտեսվարողները ապրանքների պարտադիր գույքագրումը պետք է կատարեն 10 օրում:

Կառավարության հիմնավորման մեջ նշված է «Առևտրական գործունեությամբ հարկ վճարողները դժվարանում են վերոնշյալ անցումային ժամանակահատվածում հաշվառել իրենց ապրանքային մնացորդների ձևանմուշի լրացման հմտությունների պակասով»: