Օրենքի հակասահմանադրականությունը որոշում է ՍԴ-ն. Աղվան Վարդանյան

ԱԺ-ն քվեարկությամբ ընդունեց ԱԺ կանոնակարգ-օրենքում փոփոխություններ կատարելու մասին հարցը, որով առաջարկվում է ստեղծել փորձագետների աշխատանքային խումբ, որը պատգամավորներին կտրամադրի մասնագիտական աջակցություն, նաև նախատեսվում է, որ բյուջետային գրասենյակի գործունեության ընդհանուր համակարգումը կիրականացնի ԱԺ ֆինանսավարկային և բյուջետային հանձնաժողովը:

ԱԺ ՀԱԿ խմբակցության պատգամավոր Գագիկ Ջհանգիրյանը հայտարարեց, որ նախագիծը հակասահմանադրական է,  և որ դեմ է քվեարկելու:

ԱԺ ՀՅԴ խմբակցության քարտուղար Աղվան Վարդանյանն էլ նշեց, որ օրենքի հակասահմանադրականությունը որոշում է Սահմանադրական դատարանը, և խորհուրդ տվեց Գագիկ Ջհանգիրյանին` դիմել Սահմանադրական դատարան: Նա նաև նշեց, որ ՀՅԴ-ն կողմ է քվեարկելու օրենքին: