Պատգամավորների սեղաններին օրենքի նախագծերը չկան. Աղվան Վարդանյանն անթույլատրելի է համարում

Այսօր ԱԺ արտահերթ նիստում, երբ ԱԺ նախագահ Գալուստ Սահակյանն առաջարկեց պատգամավորներին` քվեարկել կառավարության ներկայացրած արտահերթ նիստի օրակարգի համար, ԱԺ ՀՅԴ խմբակցության քարտուղար Աղվան Վարդանյանը վարման կարգով նշեց, որ, անկախ այն բանից` նստաշրջանը արտահերթ է, թե` ոչ, կան օրենքներ, որոնց առաջին կատարողն ու պահպանողը պետք է լինի օրենսդիր մարմինը:

«Հիմա դուք օրակարգում դրել եք այնպիսի հարցեր, որոնք ունեն հանրային հսկայական հնչեղություն, հուզում են հասարակության բոլոր շերտերին: Այստեղ նստած 130 պատգամավորներից ոմանց սեղանին այդ նախագծերը չկան, նման բանը խախտում է օրենքը, և դա անթույլատրելի է: Ես ասում եմ արդեն կառավարությանը, որ մենք տարիներ շարունակ արձանագրել ենք, դժգոհել ենք, մենք` բացահայտ, բարձրաձայն, դուք` ոչ բարձրաձայն, այս աշխատաոճի դեմ եք»,- նշեց Աղվան Վարդանյանը: