Սուսերամարտ. Հայաստանի երիտասարդական առաջնություն (արդյունքներ)

Հունվարի 28-ին Հայոց բանակի օրվա առթիվ «Հայաստան» ՄՀԿ-ի Նորագավիթի սուսերամարտի օլիմպիական հերթափոխի մասնագիտացված մարզադպրոցում անցկացվել է սուսերամարտի երիտասարդների ՀՀ առաջնությունը, որին մասնակցել են Երևանի, Վանաձորի, Գյումրու և Բյուրեղավանի սուսերամարտիկները:

Մրցումների առաջին օրը մրցել են խոցասուսերակիր տղաները և աղջիկները:

Խոցասուսերակիր տղաների մրցապայքարում հաղթել է Էդուարդ Հովիկյանը, 2-րդ տեղը զբաղեցրել է Արթուր Քոչարյանը, իսկ 3-րդ տեղը կիսել են Ավետիս Ծերունյանը և Արսեն Արազյանը: Բոլոր մարզիկները «Հայաստան» ՄՀԿ-ի Նորագավիթի սուսերամարտի օլիմպիական հերթափոխի մասնագիտացված մարզադպրոցի սաներն են, անձնական մարզիչն է Անդրանիկ Արազյանը:

Խոցասուսերակիր աղջիկների մրցապայքարում 1-ին տեղը գրավել է Լիլիթ Էվոյանը («Հայաստան» ՄՀԿ-ի Նորագավիթի սուսերամարտի օլիմպիական հերթափոխի մասնագիտացված մարզադպրոց, անձնական մարզիչ՝ Արմեն Նավասարդյան), 2-րդ տեղը զբաղեցրել է Էմմա Պողոսովան («Քեթրին» ակումբ, անձնական մարզիչ՝ Արտաշ Մադոյան), իսկ 3-րդ տեղը կիսել են Սվետլանա Նազարյանը («Քեթրին» ակումբ, անձնական մարզիչ՝ Արտաշ Մադոյան) և Յանա Եղոյանցը (Արաբկիրի Ալբերտ Գրիգորյանի անվան օլիմպիական հերթափոխի սուսերամարտի մանկապատանեկան մարզադպրոց, անձնական մարզիչ՝ Սուսաննա Ղազարյան):

Աղբյուր՝ msy.am