Գյումրու քաղաքապետը հավատո՞ւմ է, որ ջրի համար կարող էր մարդ սպանվել

Այսօր Գյումրիում լրագրողների հետ ճեպազրույցում Գյումրու քաղաքապետ Սամվել Բալասանյանը շեշտեց, որ իրենք պահանջատեր են լինելու: «Ամենակարևորը, որ էդ տականքը պատասխան կրի, իսկ քննության ընթացքի մասին թող հետագայում ասեն համապատասխան մարմինները, որոնք այսօր հետաքննում են»,- ասաց նա:

Բալասանյանը մի քանի անգամ հորդորեց լրատվամիջոցներին` այնպիսի կոչեր անել, որ ժողովուրդը հանդարտ մնա:

Հարցին` ծանոթ լինելով քննությանը և Պերմյակովի ցուցմունքին` արդյո՞ք հավատում է, որ ջրի համար կարող էր մարդ սպանել, պատասխանեց. «Ճիշտն ասած` տեղյակ չեմ, ես չգիտեմ դուք որտեղից գիտեք: Ես որևէ տեղեկություն չունեմ ցուցմունքներից, ես պաշտոնական որևէ տեղ չեմ կարդացել, դրանք ուղղակի տարբեր տեսակի վարկածներ են, որ պտտվում են: Մեկն ասում է` ջրի համար է, մեկը` չգիտես` ինչի, մեկն ասում է` հետևում մարդիկ են կանգնած և այլն: Ավելի ճիշտ է` սպասենք պաշտոնական տեղեկատվության»:

Yerkir.am-ի դիտարկմանը, թե` փոխոստիկանապետը Պերմյակովի խոսքերից է մեջբերելը, ըստ Ձեզ` դա պաշտոնական չէ՞, Բալասանյանը պատասխանեց, որ տեղյակ չէ:

Մանրամասները` yerkir.am-ի տեսանյութում: