«Հովեր»-ը 2015-ի շրջագայությունները կսկսի Ցեղասպանության 100-ամյա տարելիցին նվիրված համերգներով

2015 թվականին «Հովեր» պետական կամերային երգչախմբի համերգային շրջագայությունների մեկնարկը կտրվի հենց այս ամիս: Հունվարի 22-ից փետրվարի 5-ը «Հովեր-անսամբլը» մենահամերգներով հանդես կգա Ֆրանսիայում, Տալլինում և Սանկտ Պետերբուրգում: Համերգները կկայանան հայոց ցեղասպանության 100-ամյակի շրջանակներում:

2012-ին «Հովեր» պետական կամերային երգչախմբի մի խումբ առաջատար երգիչներ միավորվեցին «Հովեր-անսամբլ» ստեղծելու գաղափարի շուրջ: Կարճ ժամանակում «Հովեր-անսամբլ»-ը հասավ մեծ հաջողությունների՝ հանդես գալով Ֆրանսիայի, Գերամանիայի, Թայվանի« Վրաստանի հեղինակավոր համերգասրահներում: «Հովեր-անսամբլ»-ի երգացանկը ընդգրկում է հայ հոգևոր և աշխարհիկ, ավանդական և ժամանակակից, ինչպես նաև արևմտաեվրոպական հեղինակների ստեղծագործություններ, երբեմն էլ անսամբլի կազմում երգող երգիչներ Վահագն Բաբլոյանի և Արթուր Մանուկյանի անսամբլային մշակումներ: