Դատավարությունը պետք է լինի Հայաստանում. Շավարշ Քոչարյան

Այսօր լրագրողների հետ զրույցում ՀՀ փոխարտգործնախարար Շավարշ Քոչարյանը խոսեց Գյումրիի ոճրագործության իրավական ընթացքի մասին:

Նրա խոսքով` Հայաստանում գտնվող ռազմաբազայի զինծառայողը, եթե կատարել է հանցագործություն ռազմաբազայի տարածքից դուրս, ապա  նա Հայաստանի իրավասության ներքո է, իսկ եթե հանցագործությունը կատարել է ռազմաբազայի  տեղակայման տարածքում, ուրեմն` Ռուսաստանի իրավասության ներքո:

«Տվյալ դեպքում մենք ունենք երկու տիպի հանցագործություն, մեկը` ծանր հանցագործության` սպանություններ, մյուս հանցագործությունը իրենց իրավասության տակ է`  պահակակետը լքելը, զենքով դրսում հայտնվելը: Պետք է լինի համագործակցություն  Ռուսաստանի և հայկական իրավապահ մարմինների միջև: Մի բան կարող եմ նշել, որ դատավարությունը պետք է լինի Հայաստանում»,- ասաց Շավարշ Քոչարյանը: