Հայաստանն ավելի շատ խնդիրներ կառաջացնի, քան հեռանկարներ կբացի. The Los Angeles Times

Ռուսաստանն ընդլայնում է Եվրասիական տնտեսական միությունը (ԵՏՄ)՝ փորձելով մրցակցել ԵՄ-ի հետ. գրում է  The Los Angeles Times-ը. հայտնում է Газета.Ru-ն:

Ամերիկյան պարբերականը նշում է, որ նախկին խորհրդային պետությունների նման դաշինքը մտածված է ՌԴ Վլադիմիր Պուտինի կողմից՝ որպես հակակշիռ ԵՄ-ին, որի առևտրային և քաղաքական «ասիմիլացիան» հասել է մինչև Ռուսաստանի սահմանները։ Խոսքն Արևելյան Եվրոպայի երկրների մասին է, որոնք ընդգրկված էին Տնտեսական փոխօգնության խորհրդի կազմում «սառը պատերազմի» տարիներին, նաև` Մերձբալթյան երկրների:

Բացի այդ` հոդվածում նշվում է, որ ԵՄ-ի պատժամիջոցները Ռուսաստանի դեմ տարաձայնություններ են առաջացրել ԵՏՄ-ի ներսում։ Մասնավորապես՝ Ռուսաստանի և Բելառուսի միջև: 

Թերթը նաև գրում է, որ ԵՏՄ-ի հավաքական զարգացմանը դժվար թե նպաստի Ղրղզստանի անդամակցությունը, որն ամենաաղքատն է ԽՍՀՄ նախկին պետություններից։ Ինչ վերաբերում է Հայաստանին, ապա նա նույնպես ավելի շատ տնտեսական խնդիրներ կառաջացնի, քան հեռանկարներ: