Վանում թաղամասերը կվերանվանվեն հին անուններով

Վանի քաղաքապետարանի խորհրդարանը ստորագրել է քաղաքի 704 թաղամասերին հին անվանումները տալու մասին որոշումը:

Ըստ «Ակօս»-ի՝ տեղանուններն անվանափոխելու գործընթացն սկսվել է այն ժամանակ, երբ Վանի քաղաքապետարանը բոլոր շրջանների քաղաքապետարաններին է դիմել՝ թաղամասերի վերածված նախկին գյուղերը իրենց հին անուններով կոչելու պահանջով:

Քաղաքապետրաններն իրենց շրջանում իրականացրած աշխատանքների արդյունքում կարողացել են գտնել 704 թաղամասերի նախկին անվանումները: Թաղամասերում տեղադրված ցուցանակներին հայերենով և քրդերենով գրված անունները, ծրագրի տեսքով, ներկայացվել են նահանգապետարան, որն էլ այն ներկայացրել է նահանգապետարանի խորհրդարանում: Խորհրդարանում քվեարկության արդյունքում` 704 թաղամասերին հին անվանումները վերադարձնելու մասին որոշում է կայացվել: