Գագիկ Ծառուկյանն իմ ընկերն է. Արա Աբրահամյան

Ռուսաստանի հայերի միության նախագահ Արա Աբրահամյանը, պատասխանելով լրագրողների այն հարցին, թե ինչպե՞ս է պատկերացնում  ԵՏՄ-ում Հայաստանի ճակատագիրը, երբ Ղազախստանն ու Բելառուսն իրենց դժգոհությունն են հայտնում Պուտինի միանձնյա քաղաքականությանը կապակցությամբ,  ասաց. «Ես այդպիսի դժգոհություն չեմ լսել: Ես ձեզ ասեմ` մենք պետք է մեր գործ անենք,  Հայաստանն պետք է, իր շահից ելնելով, որոշումներ կայացնի, մենք պետք է լսենք մեծամասնությանը և փորձագետներին, մենք պետք է վստահենք մեր իշխանություններին»:

Դիտարկմանը, որ, Սերժ Սարգսյանի խոսքով, ԵՏՄ-ին անդամակցելու որոշումը մեկ գիշերվա ընթացքում է կայացվել,  Աբրահամյանն ասաց, որ ինքը տեղյակ չէ այդ հայտարարությունից. «Այդպիսի բան հնարավոր չէ, քանի որ ես մասնակցել եմ այդ գործընթացին, այն մեկ տարուց ավելի քննարկվել է»:

Իսկ իր և Գագիկ Ծառուկյանի միջև լարված հարաբերությունների մասին հարցին, պատասխանեց. «Նման բան չկա, իմ հարաբերությունները Գագիկ Ծառուկյանի հետ շատ լավ  են, նա իմ ընկերն է: Ոչ մի խնդիր չկա: Ես նման բաներ չեմ լսել»: