Թուրքիայում հայտնի է դարձել քաղցկեղածին կոշիկների բրենդը

Արդեն հայտնել ենք, որ Թուրքիայում մեծ աղմուկ էր բարձրացել այն բանից հետո, երբ մաքսային և առևտրի նախարար Նուրեթթին Ջանիկլին հաստատել էր շրջանառվող տեղեկությունները, թե «շուկա են ներկրվել թունավոր կոշիկներ» (քաղցկեղածին) կոշիկներ:

Ըստ Haberturk-ի` նախարարությունը հայտնել է, որ քաղցկեղածին կոշիկները պատկանում են չինական «Arow», «Arow Men» և «Arow Kids» բրենդին:

Հիշեցնենք, որ մաքսային և առևտրի նախարարությունը հայտնել է, թե չի թույլատրվում տարբեր պահեստներում պահվող, քիմիական նյութեր պարունակող 19 հազար 460 զույգ քաղցկեղածին կոշիկները շուկա հանելը: Հարցաքննություն է սկսվել` Էրենքոյ շրջանի մաքսային տնօրինությանը կից պահեստում հայտնաբերված քաղցկեղածին կոշիկների ոչնչացման ուղղությամբ աշխատանքներ իրականացնելու համար: