Sony-ն դարձել է ամենաթանկ բրենդը Ասիայում

Բրիտանական Campaign  ամսագրի հարցումների արդյունքում պարզվել է, որ Sony ընկերությունը համարվում է Ասիայի ամենաթանկ բրենդը: Այն համարվել է առաջինը, թեեւ վերջին շրջանում բազմաթիվ հաքերային հարձակումների է ենթարկվել: Եվ դրանց արդյունքում ինֆորմացիայի խոշոր արտահոսք է եղել. մոտ 100 միլիոն PlayStation օգտագործողների անձնական տվյալներն են գողացվել:  

Ինչպես փոխանցում է BBC-ն, առաջին հնգյակում ճապոնական եւ հարավկորեական ընկերություններն են: Sony-ին հետեւում են Panasonic-ը, LG-ն, Samsung-ը եւ Canon-ը: Իսկ առաջին տանսյակում են Apple-ը, Hewlett-Packard-ը, Google-ը, Nestle-ն, Nike-ը:

Հակառակ սրան` չինական եւ ոչ մի ընկերություն լավագույն 100-յակի մեջ չի մտել: 102-րդ տեղում կենցաղային տեխնիկա արտադրող Haier ընկերությունն է:

Հնդկական ընկերություններից ամենաբարձր տեղում է հայտնվել կաթնամթերք արտադրող Amul ընկերությունը` 89-րդ տեղ:

Հակառակ այն բանի, որ Ասիայում բավականին հեղինակավոր  եւ տարածված են շքեղ բրենդները, սակայն դրանցից եւ ոչ մեկը առաջին 25-ի մեջ չկա: Chanelը, Rolex-ը, BMW-ն զբաղեցրել են համապատասխանաբար 30, 42 եւ 49-րդ տեղերը:

Հարցումներն են անցկացվել 3322 սպառողների շրջանում` Ավստրալիայում, Չինաստանում, Հնդկաստանում, Հոնկոնգում, Մալայզիայում, Սինգապուրում, Թայվանում, Հարավային Կորեայում եւ Թաիլանդում: