Փոխարժեքներ
30 01 2025
|
||
---|---|---|
USD | ⚊ | $ 398.27 |
EUR | ⚊ | € 414.32 |
RUB | ⚊ | ₽ 4.0524 |
GBP | ⚊ | £ 494.49 |
GEL | ⚊ | ₾ 138.29 |
Թուրքիայում մեծ աղմուկ է բարձրացել այն բանից հետո, երբ մաքսային և առևտրի նախարար Նուրեթթին Ջանիկլին հաստատել է շրջանառվող տեղեկությունները, թե «շուկա են ներկրվել թունավոր կոշիկներ» (քաղցկեղածին) կոշիկներ:
Նախարարն ասել է, որ, «դժբախտաբար, դրանք արդեն ներմուծվել են, բայց թե որքա՞նն է արդեն մտել շուկա, տեղյակ չեն: Ըստ նրա` կան մի քանի բրենդներ, սակայն դրանք ունեն նաև նորմալ արտադրանք: Բացի այդ` նախարարը հայտնել է, որ կա ոչնչացման ենթակա 33.000 զույգ կոշիկ:
Ըստ թուրքական Hurriyet-ի՝ ենթադրվում է, որ այդ կոշիկները Թուրքիա են բերվել Չինաստանից: Այժմ երկրում մտահոգված են, թե որքան է դրանցից սպառվել: Կան արդեն մարդիկ, ովքեր հավանաբար այդ կոշիկների «զոհ» են դարձել: Hurriyet-ի հետ զրույցում երկու մարդ գանգատվել է ոտքերի կարմրությունից և խոցերից:
Թերթը նշում է, որ մաքսային և առևտրի նախարարությունը հանրության ուշադրությանն է ներկայացրել «քաղցկեղածին կոշիկների» լուսանկարները եւ կոչ արել դրանք ձեռք բերողներին` զանգահարել 175 թեժ գծին ու կասկածելի կոշիկներն ուղարկել լաբորատորիա` փորձաքննության: Ի դեպ, արդյունքների մասին կհայտարարվի առաջիկա օրերին:
Կարծում ենք` Հայաստանի մաքսային ծառայություններին էլ պետք է հուզի այդ հարցը, քանի որ շատ հնարավոր է, որ այդ կոշիկներից որոշ քանակ էլ հայտնվի հայաստանյան շուկայում: