Թող քո որդին էլ սպանվի. սպանված երեխայի մայրը՝ Էրդողանին

Թուրքիայի խորհրդարանում առաջին անգամ ցուցադրել են 14-ամյա Բերքին Էլվանի` Գեզի այգու իրադարձությունների ժամանակ  սպանության տեսագրությունը։

Ըստ OdaTv-ի՝ որդու սպանության կադրերը դիտելու ժամանակ Բերքինի մոր 'ինքնազգացողությունը վատացել է, և նա անիծել Էրդողանին` ասելով. «Էրդողան, թող քո որդին էլ այսպես սպանվի, թող քո որդու վերջն էլ այսպիսին լինի»:

Մայրը պատգամավորների օգնությամբ դուրս է եկել դահլիճից՝ չկարողանալով մինչև վերջ դիտել տեսանյութը։

Հիշեցնենք, որ Թուրքիայում 2013 թվականին` Գեզի այգու իրադարձությունների ժամանակ, հաց գնելու համար տնից դուրս եկած և գլխին կրակոցի արդյունքում վիրավորված 14-ամյա պատանին մահացել էր 269 օր կոմայում մնալուց հետո: Մինչդեռ Էրդողանը մեղադրում էր Բերքինին՝ ահաբեկիչ լինելու և Գեզի այգու ցույցերին մասնակցելու մեջ: