Ռուս պատգամավորն առաջարկել է Սահակաշվիլիին Ուկրաինայի վարչապետ նշանակել

ՌԴ Պետդումայի կոմիտեի միջազգային հարցերով ղեկավար Ալեքսեյ Պուշկովը համարում է, որ, հետևելով Կիևի իշխանությունների տրամաբանությանը, Վրաստանի նախկին նախագահ Միխայիլ Սահակաշվիլին կարող էր դառնալ Ուկրաինայի վարչապետ. հայտնում է РИА Новости-ն: Այս մասին Պուշկովը գրել է Twitter-ի իր էջում:

«Պորոշենկոյի նոր խոսքը. Ուկրաինայի ՆԳՆ ղեկավարի պաշտոնին հավակնում է վրացի՝ Սահակաշվիլիի մերձավորը: Իսկ ինչո՞ւ անձամբ Սահակաշվիլիին վարչապետ չդարձնել»,- գրել է պատգամավորը։

Ավելի վաղ տեղեկություն էր հայտնվել, որ նախագահ  Պորոշենկոն առաջարկել է Ուկրաինայի ՆԳՆ ղեկավար նշանակել Զուրաբ Ադեիշվիլիին, ով կարևոր պետական պաշտոններ է զբաղեցրել Վրաստանում: