Ադրբեջանցի պատգամավորն առաջարկել է բացել խաղատները՝ զբոսաշրջիկներին գրավելու համար

Ադրբեջանը պետք է դառնա աշխարհի ազատ գոտի և պետք է արտասահմանցի ներդնողների համար դառնա հարկային դրախտ: Նմանատիպ առաջարկով հանդես է եկել «Ամբողջական Ադրբեջանի ազգային ճակատ» կուսակցության ղեկավար, պատգամավոր Գուդրաթ Հասանգուլիևը

Հասանգուլիևը նաև նշել է, որ զբոսաշրջության արագ զարգացման համար երկրի տարբեր մասերում պետք է խաղատների գործունեության համար հնարավորթյուն ստեղծել։

Ըստ նրա՝ խաղատները վայրեր են, որտեղ բազմաթիվ անպատասխանատու մարդիկ քամուն են վատնում իրենց ժամանակն ու գումարը, ինչը հանգեցնում է բազմաթիվ անձնական և սոցիալական խնդիրների։

Բացի այդ՝ նա նաև հիշեցրել է Ղուրանի դրույթները մոլախաղերի վերաբերյալ, որտեղ նշվում է. «Դրանք ունեն մեծ մեղք, բայց ունեն նաև մարդկան համար օգուտ ունեն, չնայած մեղքն ավելի շատ է, քան օգուտը»։