«Իգլա»-ն՝ հայ-ռուսական հարաբերություններում. Газета.Ru-ի ուշագրավ հոդվածը

Газета.ру-ն անդրադարձել է ԼՂՀ ՊԲ-ի կողմից իրականացված հատուկ գործողությանը,  որի արդյունքում Ադրբեջանի կողմից Ղարաբաղում խոցված ռազմական ուղղաթիռից դուրս են բերվել օդաչուների մարմինները:

Հոդվածը ներկայացնում ենք մասնակի կրճատումներով:

«Հայկական կողմին հաջողվեց դուրս բերել նոյեմբերի 12-ին Ադրբեջանի կողմից խոցված ուղղաթիռի անձնակազմի անդամների մարմինները: Թեև Ադրբեջանը պնդում է, որ օդաչուների դիակները դուրս չեն բերվել, և հերքում է հատուկ գործողության անցկացման փաստը:

Միևնույն ժամանակ, Երևանում  աճում է դժգոհությունը միջազգային հանրության, ինչպես նաև Մոսկվայի դիրքորոշման նկատմամբ, քանի որ ՌԴ-ն շարունակում է ռազմական համագործակցությունը Բաքվի հետ: Ըստ հայկական կողմի՝ ԵԱՀԿ ՄԽ-ն իրական քայլեր չի ձեռնարկում ԼՂ հակամարտության լուծման համար,  իսկ Մոսկվան շարունակում է զենք մատակարարել Բաքվին:

Խոցված ուղղաթիռի հետ կապված հարցերից մեկն այն է, որ ուղղաթիռը խոցվել է ռուսական արտադրության «Իգլա» զենիթային հրթիռով: Ռուսաստանը Հայաստանի ռազմական գործընկերն է, և Մոսկվայի կողմից նման զինատեսակների վաճառքը Բաքվին Երևանում պարզապես չեն հասկանում:

Մինչդեռ Եվրոպան խուսափում է հակամարտող կողմերին զենք վաճառելուց: Այսպես՝ Գերմանիան հրաժարվել էր Թուրքիային զենք վաճառել, որը Անկարան կարող էր այնուհետև փոխանցել իր դաշնակից Բաքվին:

Հարկ է նաև նշել, որ 2015-ի հունվարի 1-ից  Հայաստանը կդառնա ԵՏՄ անդամ, և Մոսկվայի ու Բաքվի` նման սերտ ռազմական համագործակցությունը տվյալ պայմաններում էլ ավելի նուրբ թեմա է դառնում...»: