Կենտրոնանալ օգուտների վրա, որոնք խաղաղությունը կարող է բերել տարածաշրջանին. Փսակին՝ ԼՂ հակամարտության մասին

ԱՄՆ պետքարտուղարության մամուլի քարտուղար Ջեն Փսակին լրագրողների հետ հերթական ճեպազրույցում անդրադարձել է ԼՂ հակամարտության կարգավորման ուղղված բանակցություններին. հայտնում է РИА Новости-ն: 

«Մենք կոչ ենք անում բոլոր կողմերին` կրկնապատկել իրենց ջանքերը բանակցությունների սեղանի շուրջ և կենտրոնանալ այն օգուտների վրա, որոնք խաղաղությունը կարող է բերել տարածաշրջանի բնակիչներին»,- ասել է նա:

Փսակիին լրագրողները խնդրել են անդրադառնալ ԼՂՀ-ում ադրբեջանցի դիվերսանտների դատավարությանը, սակայն նա հրաժարվել է որևէ մեկնաբանությունից:  «Կոնկրետ այս դեպքի մասին մենք շատ տեղեկություններ չունենք»,- ասել է նա: