ԲՀԿ-ական պատգամավորը թվարկում է Գագիկ Ծառուկյանի ռեսուրսները

ԱԺ ԲՀԿ խմբակցության պատգամավոր Միքայել Մելքումյանի կարծիքով` երկրում իրավիճակային փոփոխություն կա: «Երբևիցե չի եղել, որ ոչ իշխանական ուժերն այսպես համախմբված լինեն և այսպիսի ռեսուրսներ ունենան»,- լրագրողների հետ հանդիպման ժամանակ հայտարարեց նա:

Ըստ նրա` այդ ռեսուրսները թե' ֆինանսական են, թե' ԶԼՄ-ների առկայությամբ են պայմանավորված, մարդկանց մեծ բազմություն կա, առկա են սոցիալ-տնտեսական վատ ցուցանիշներ, բացի այդ` եռյակում ընդգրկված է 50 պատգամավոր, ովքեր, ըստ Մելքումյանի, կարող են պարալիզացնել խորհրդարանի աշխատանքն ու ճգնաժամի հիմք ստեղծել:

«Մենք դեմ ենք մայդաններին, բարիկադներին, իշխանությունը տեսնում է, որ 60-70 հազար մարդ ա հավաքվում»,- ասաց պատգամավորը: