Ռուպերտ Քոլվիլը դատապարտում է Դեյր Զորի Սրբոց Նահատակաց եկեղեցու պայթեցումը

ՄԱԿ-ի Մարդու իրավունքների հարցերով գերագույն հանձնակատար Ռուպերտ Քոլվիլը դատապարտում է «Իսլամական պետություն» ծայրահեղական խմբավորման կողմից Դեյր Զորի Սրբոց Նահատակաց եկեղեցու պայթեցումը։ Այդ մասին հայնտում է «Գանձասար-ը:

Գերագույն հանձնակատարի խոսնակն այդ մասին հայտարարություն է տարածել, որում ասվում է. «Մեզ տեղեկացրել են, որ «Իսլամական պետությունը» սեպտեմբերի կեսերին հայկական կարևոր եկեղեցի է ոչնչացրել Սիրիայի Դեյր Զոր քաղաքում: Մենք դատապարտում ենք եկեղեցու և այլ կրոնական հաստատությունների ոչնչացումը»: Նշվել է նաև, որ ոճիրն իրագործվել է հյուսիսային Իրաքում մզկիթներ, սրբավայրեր և եկեղեցիներ պայթեցնող գրոհայինների կողմից:

Ըստ Քոլվիլի՝ կրոնական հաստատությունները միջազգային մարդասիրական օրենքով վերցված են հատուկ պաշտպանության տակ և պետք է հարգվեն ու պաշտպանվեն բոլորի կողմից: