Ֆրանսիայի ԱԳ նախարարը դատապարտել է Դեյր Զորի Սրբոց նահատակաց եկեղեցու պայթեցումը

Ֆրանսիայի ԱԳ և միջազգային զարգացման նախարար Լորան Ֆաբիուսը դատապարտել է Դեյր Զորի Սրբոց նահատակաց եկեղեցու պայթեցումը: Այդ մասին հայտնում է «Գանսձասար»-ի ֆեյսբուքյան էջը:

Հրապարակված հայտարարության մեջ գրված է.

«Ես դատապարտում եմ հայ համայնքի համար մեծ խորհուրդ ունեցող՝ Դեյր Զորի Սրբոց Նահատակաց եկեղեցու ավերումը: Ֆրանսիան ողջունում է բոլոր դավանանքների հոգևոր ղեկավարների հանձնառությունը՝ պայքարել սրբավայրերի նկատմամբ հանդուրժողականության և հարգանքի համար:

Սիրիական և իրաքյան ազգային ժառանգությունները սպառնալիքի տակ են: Դրանք պաշտպանելու հարցում թերացումը կդիտվի իբրև հանցագործություն պատերազմում, որի պատասխանատուները կպատժվեն Միջազգային քրեական դատարանի կողմից:

ՄԱԿ-ի կրթության, գիտության և մշակույթի կազմակերպության հետ միասին, Ֆրանսիան նեցուկ կկանգնի, որպեսզի կյանքի կոչվեն մշակութային ժառանգության պաշտպանության համաձայնագրերը, հատկապես՝ զինյալ ճգնաժամի ընթացքում»: