Թուրքիան նոր ֆիլմ է նկարահանել Հայոց ցեղասպանության մասին պատմող կինոնկարի դեմ

Ծագումով թուրք, գերմանացի ռեժիսոր Ֆաթիհ Աքընի՝ Հայոց ցեղասպանության մասին նկարահանած «Հատումը» ֆիլմը մեծ ուշադրության էր արժանացել, հատկապես այն բանից հետո, երբ հայտնել էին ֆիլմը Վենետիկի կինոփառատոնում ներկայացնելու մասին:

Ըստ Hurriyet-ի՝ թուրք ռեժիսոր Քաան Մյուժդեջին «Սըվաս» (կամ՝ Սիվաս նահանգ Թուրքիայում) անունով ֆիլմ է նկարահանել, որը ևս կներկայացվի Վենետիկի կինոփառատոնում:

Ըստ կայքի՝ ֆիլմը, որի գլխավոր հերոսին մարմնավորել է 11-ամյա դպրոցական Դողան Իզջին, կմրցի «Թուրքիայի անունից»:

Ռեժիսորը պատմել է, որ ֆիլմի գլխավոր հերոս գտնելու համար եղել է տարբեր դպրոցներում, սակայն Իզջին եղել է ամենահամապատասխանը: Ֆիլմը ներկայացնում է 11-ամյա Ասլանի և Սըվաս անունով մարտական շան պատմությունը:

Թուրքական աղբյուրները չեն նշում, որ սույն ֆիլմով փորձում են մրցել Հայոց ցեղասպանության մասին պատմող ֆիլմի հետ, սակայն ակնհայտ է, որ նման նպատակ է հետապնդվում: